MegaBoere is ‘n landboubesigheidsprogram met ‘n persoonlike aanslag.  Die aanbieder stel in elk van die dertien episodes een van die grootste boere in die land aan die kyker voor en vind eerstehands uit wat hulle suksesvol maak.  Die reeks ondersoek die grootste landbou-uitdagings en hoor watter oplossings die land se superboere daarvoor bied.

Vandag se boere moet kundiges wees in verskeie velde en kwessies wat aangeraak word wissel van persoonlike leiersvaardighede tot by grondhervorming, watersake, nuwe tegnologie, voedselsekerheid, SEB, die omgewing en uitvoere – alles sake wat kosvoorsiening in die land raak.  Hierdie sakelui is lief vir die grond en het daarin geslaag om hulleself internasionaal te vestig.

Die boere verteenwoordig verskillende landbousektore van regoor Suid-Afrika. MegaBoere stel die glanspersoonlikhede van Suid-Afrikaanse landbou aan die kyker voor.